Thlasik khawvawt hnuaia, hnap tui leh khabe sai hlawk hlawk a zan khaw vawt tuar ṭang ṭang chunga biahthu in hlan te hi ngai lovin Thla-ar-kai-den hnuaiah lum leh vawt in chhawih mawi tawk chiah hnuaiah lei seh chilh nak nak chungin duh ber vak lo te pawh lungdam sarhin biahthu kan hlan thei awm si a!!
Tisa chât,vunro lutuk paw var vau te, hman thiam hmui rep te thup ngai chung chung leh rilru tim rukna nei ṭeuh a ar kan ai chuan inchung zawl a tim ruk leh vun lama harsatna nei miah lova thla eng lawm pah leh lungdam sarhin kan in tupa-bawp-sei thei awm si a.!!
Krismas kawrmawi te,pheikhawk mawi te neih duh avanga neih chuang liam liam a in sen ral te hi ngai lovin hak lai nen chauh pawh nuam ti tawk in kan hmang thei awm si a!! A chhan chu December a Krismas a ni tawh dawn miau si lova, October thla a thil thar chhung tinin neih kan tum hluai a awm ngai dêr si lova..!!
December thla te chuan Kumthar lawmna te kan nei tho thin bawk sia, chhungtin in a nuam thei ang ber a hman kan tum ṭheuh bawk sia in senso na tur a thuah hnih deuh tlat bawk sia, October thla ah te hian lo hmang ila chuan tun aia nuam leh hniang hnar zawk hian Kumthar lawmna te pawh hi chhungtin in kan neih theih phah awm si a!!!
A van la tam tak em!!!! Krismas hi October thla hian hmang ṭhin ila chu tun ang December khawvawt hnuaia in tih lum nan a ka ZU in ral tak zawng zawng te lei nan a ka sum senral tawh te hmang khan Kolasib-ah ngei ka haw daih tawh ang a, he Delhi khawvawt chimawm tak hnuaiah hian ka khur beuh beuh tawh miah lovang a, "Lenrualte chu Krismas lawm nan hlim zai an vawr asin, eng pawh nise Krismas Chibai Bawihte" tih hi ka hla ka ti tawh lovang a, ka ngaithla ka ngaithla tawh ma’lek ang..
Saaallllaaa...
