"You know, this terrible pain is only the kiss of Jesus — a sign that you have come so close to Jesus on the cross that He can kiss you." And she joined her hands together and said, "Mother Teresa, please tell Jesus to stop kissing me."
Zan a rei tual tual a, thawm riva han hriat tur meuh pawh a awm ta lo. A khat tawk a kawngpui dunga motor tlan leh zeuh thin mai lo chu. Sana a inkhawng ri tlauh tlauh a. Thinlung lam erawh a harh tial tial a. Mitthlaah kan sul i hnu te a lo lang zut zut a. Nunhlui ngaiin biangah mittui a luang a. Suangtuahna mitthlaahte chuan a rawn inlan zut zut a. Zan khua hrui ang a sei ngei mai. Hmanah chuan Siamtuin hahchawlh nana a siam ngei mai hi ka tan zan duhawm a ni ve teh meuh ṭhin, hahdam takin zanmu ka chhing a, i mi thlamuanna awka benga cham reng chungin ka tawnmang ram ka fang ṭhin. Kan duhthusam te chu ngaihtuah reuh reuhin ka laikhum ka bel a, nang ka kianga i awm avangin khuavel hi ka tan a mawi bik hliah hliah thin.
Engtik lai khan nge min lo kalsan tak ni.? Kan hma hun lo dawn ṭhinte chu a tak ram an chang zo ta lo a. Lungngaihna ruama min hruaitu mai leh nunhlui ngaia min ṭah tirtu alo chang zo ta. Hlim taka laikhum ka zalna ṭhin chu, zantin mittui nen ka zal a, ka mutna laikhum chu ka tan chuan anchhedawng mai, an chang ta, ka han mu a, nang bawk i lo lang a. Nang chuan ṭahna ruamah mi hruai lut ta si a. I tello chuan duhtak, ka zuam lo, ke pen chu. I hria tiro, mah se lo kir i tum si lo. Ka ngai che a, ka mamwh che a, he nun khawhar tak aṭang hian ka au che a, mahse ka tan i awm ta si lo. I hlimthla chuan mi vel a. Beidawn avangin mi nuihtir tho si. Duhtak, nang chu i laikhumah lungdamten i chhing awm si a. Nang ngaia zan mu chhing thei lo hi i han dawn awm si lo. Ka tan chuan tur hlauhawm tak, thi si lo a, na mi tuar tir tu i va han ni chiang tak em!!!
Ni e,, nang hi chu natna min thlentu i ni teh meuh a, kawng leh lamah chuan Pathian min hnaih tirtu pawh i ni asin. Ka zan mut theih loh avang ten natna eng eng emaw ten min tlak buak phah a, mahse ka vui hran love. I tana ka la tuar thei hi ka lawm zaw mah zawk. Mahse,.., "Mother Teresa in natna te hi Pathian min fawhna a ni" a ti a,, tiang reng reng chuan Pathian pawh hian min fawp tawh lo tawp se ka lawm zawk ngawt ang.
