Message ringtone a ri tleng tleng a, kan hawn chuan ka Duhlai-i (a hming pawh a ka koh phal loh) thuziah a lo intlar ṭhap mai a. Kan chhiar a, "Josh, ka lu hi a van na em!! Ka mit te hi a vai vek tawh, ka van ngai tak che em!" tiin..
Thla 6 liam ta aṭang khan ka Duhlaii hian a thluak a bâwk awm avangin a damlo ṭan a, vawi tam tak damdawiinah kan indah lut awl lo a. A han ṭha deuh a, a zual leh a chutiang reng reng chuan a dinhmun hi a chiangkuang lo a, Doctor-te lahin thla 3 bak a dam lo ang an tih kha ania mahse Pathian zarah hei a dam loh ṭan tirh aṭangin thla 6 chu a ni ve ta der mai. A taksa te chu cher chhe tawh mahse ka tan a mawina a dang chuang lo. A tuar ai han tuar theih ka van chak tak em!! A msg chu ka reply a,"Keimah hi han damlo zawk ila ṭha tur ania, mahse tih theih ka va nei lo em!! Rawn kal mai anih ka duh mahse a mawi si lo. Naktukah damdawiinah in dah luh mai a ṭha lo maw? Ka rawn riahpui thei che ang a, engnge i ngaihdan?"…
Ka msg a in deliver hnuah chiah amah va call tura tihna msg min rawn thawn a. Ka va call nghal a, "Hello, Duat enge ni ta?".."Josh, ka rilru ah ṭawngṭai alang tlat mai, vawiin hi ka hun ti raw? Ka damloh aṭangin kut in kai chung a ṭawngṭai pawh kan ti hlawhtling thei lo chu a nia. Ṭawngṭai lawk ang hmiang??". Ka remtih hnu chuan he khawvel ka damchhunga ka theihnghilh ngai tawh loh tur leh ka hriat leh tawh ngai loh tur ṭawngṭaina chu rilru pe takin ka lo zawmpuia.. "Aw Lalpa, min hmangaihtu, he khawvela ka nun tihlimtu atan Josh-a min pek avangin lawmthu ka hrilh a che. Ka nun a tih hlim dan te, a tello a ka awm theih loh dan te pawh i hre veka, naktukah hian kan Anniversary vawithumna kan thleng dawn a, chu hun chu nangmah nen i duh anga kan hman theih nan min puiin min hruai thleng ang che. Ka taksa chak lohna pawh i hria e mahse Lalpa ka vui lo, engkim mai hi i remruatna lo leh i hriatpui lo a thil thleng a awm lova., he taksa thi thei erawh hi chuan ral hun a la nei ang mahse Chatuana nung reng nang ka neih che avangin lawmthu ka hrilh a che. Lalpa he ka nunna hi laka a lo awm anih pawhin Josh-a thinlung kehchhia hi nangin tuam dam ang che.. Mi dawihzep te anga zu leh khawvela a tlan loh nan i hmangaihnain tuam la, ama rilru natna tidamtu hmeichhe duhawm leh fel leh nangmah ṭihtu pe ang che." tiin a ṭawngṭai a…
"Duat,, tinge thih lamte i sawi., naktukah damdawiinah kan kal anga i dam leh mai dawn lawm, lungngai mah ta che" ka tia. "Ka lungngai hleinem, ka hilm alawm ka taksa chau mahse".. "Okay, dam vat2 tawh la ti’ro???....Ka van ngai tak che em!" ka tia. "Josh...Ka hmangaih che..ka thih thlengin ka hmangaih ang che"… "Duat, keipawn nang chauh ka hmangaih che". Kan mu ang e...mangṭha muttui aw...i mangah min lo hmu ngei ngei rawh aw, chuan naktuk chu ka T-shirt leh Jeans i b’day a ka leisak che kha ha rawh aw..” “Awle.,mangṭha muttui duhlai...ka lo ha ngei ang..,nangin kha Frock kha ilo ha dawn nia.. Miss U".. tiin kan inbiak chu kan ti tawp ta a.. Chu chu kan inbiak tawp berna a lo ni ta, he khawvel a hmu leh tawh ngai lo turin LALPA angchhungah a chawl ta a.. Kan Anniversary chu van aṭanga min lo hmanpui ngei ka beisei....Ka van ngai tak che em!
MANGṬHA AW….KA ROSE PARMAWI
(Note: He thu lungkuai tak mai hi a ziaktu leh alo chhuahna ka hre mai ta lo, ka ngaihtuah chhuah nilo mahse chhiartu ten in lo hlut ve ka ring a, ka han phochhuak tawp mai e,, tu pawi mah kan sawi lawng chu maw!!! Happy Valentines Day)
