LEHKHATHAWN

To,, 

Tleitiri

      A hmasa in hmangaihna thinlung so but but paitu hian hmangaihna in chibai a buk che a, dawhthei takin beiseina nen hmangaihna a i chhan let hun chu nghakhlel takin a nghak reng bawk e. Thu tam sawi hma in he hmangaihna thaikawi biahthu hlantu hian he biahthu tlawm te hi mualphona tlangah i pholan a ring lova, i ngaihtuahna ril ber thlenga fan chhuah tir turin a ngen nghal zawk a che.. 

Khatia hmangaihna ka hlan tak ah che khan, he thinlungah hian hmangaihna tui hna put tawp theilo chuan rei tak a lo up beh tawh hmangaihna suar chu rawn sah chatin lipui a rawn siam a, a ni telin a hnâm tam tial tial si. Aw he hmangaihna thinlung aṭang hi cuan EMERALD LUNGHLU mawi tawp te pawhin an mawina theihnghilhin i phena bihruk an in chuh a, hmelṭhatna lalnu Aser-i meuh pawhin i hlimthla a nih saw a belh bul tak.. Zan khawthiang timawitu chung siar te pawhin i thatna leh duhawmna belhchhah chakin i sakruang leh kimtlangah te chuan par chhuan in chuhin an rawn in det siak a. Zan lalnu chhawrhthlapui meuh pawhin a mawinate chu chhuang zo lovin Chhum dum zingah a phil bo tak khi. En ta che... En tu ropui Turnipui tak ngial pawh zakin a lai kimki chawih chawih a, a ropuina pawh pho lang ngam lovin kawlkilah a sen ve tak phut saw!!  ZEUS pathian ropui meuh pawhin ropui tiin hmangaihna thalfang CUPID LOVE pawh hawh chhuah a phal tak hial ni!!. 

  Eng vang teh kherin nge Khuanu hian he hmangaihna hi alo duan a hmangaihtu leh hmangaih te pawh chu alo thliar le.. Ka phu lo che tih zawng nang pawh in i hai loh kha. Nimahselangin e bawihh..ka hmangaihna che hi ka zahpui lova, i mit hmuhah chuan zahna kawn rawn kal pelin mualphona tlangah chuan ka rawn pho chhuak ve rawih mai ani e. Hmangaihna bual ât thinlung awm ngaihna hrelo hian hmangaih nih a duh a, Hmagaihna leh lainatnate pawh lam ṭanga siam a tum tak hial hi. He thinlung keh chhe mai tur hian hmangaihna tuinung, tuamdamtu chu a awrawl neih chhun beiseina chau tawh tak hian a auva chhangtu awm tak ang maw! A tawnah cuan nang chu pathiante pathian ini si a. 

  Aw ka hmangaih Tleitir, he ka hmangaihna mit atang hi chuan e, vanhnuai khuavela thik theih awm zawng zawng hi thikna chibai ka buk a.,amaherawh zawng i bulah hi chuan duh luat ralah hlim ber awm hian thikthu neilo lenin ka leng si. Thinlung chhungrilah erawh hi cuan khâk nain ka khat asin. I kiangah chuan huatthu neilo ber awm in ka thaw a, zan khaw thim hun bi min ṭhen hrangtu te hi huat namenin ka hua a, anchhia lawh hial tak ka nâp asin..

Ka tan hi chuan hmangaihna hi hlima nuihpui tur nge ni a, a tuar a tuar chhuah ngai tih poh thleihran a har anih hi. Nang vanga zanmu chhingthei lova laikhum zalte hi ngaiah ka nei tawh a,suangtuahna khawvel nen hian min thlunzawm tawh asin. I hlim nui ri te hian kei rimawi lama beng ngawng pawh hi Angelte zai rimawi min suangtuah tir a, hla phuah thiam nih ve hial min chak tir si... 

Awle, ka hmangaih,, hmangaihna ka lo ralkhat hriat ṭhin, damlai khawvela mite ta tura ka lo ruat chuan ka thinlung ril ber thlengin min rawn fan chhuak a, bu hial an rawn khuar tak hi!! Nang nena damlai pialral chen hi ka chak a, tudang tellova lendun ka nghakhlel a, Khuannu meuh pawh hi kan kara samsuih tur hian thamna rawlh ruk ka rilruk asin. Aw ka duat..he taksa thi thei hi lo râwp ralin, thlanthim thuk tak chhungah zal mahsela, ka hmangaihna hi chu a nung zual zel ang a, thihna kut vawt thlan thim thil tih theihna pawh hian a pawt then chuang lawng'e, ka hmangaihna che tarlang tu hi an ni lek fang zawk ang. 

  A tawp berah chuan he thinlung hian a hmangaih hnenah hian ngen duh a nei... Ih e!! Hmagaihnain i thinlung kawngkhar a rawn kik a, ilo hawn sak hunah cuan maw, Hmangaihna chu i thinlung chhungril berah khual ṭha thlenin lo thleng la chu Hmangaihna chu a laizawn khawngaihna leh lainatnate nen chuan lo chawm nung la, an zinga ropui ber Hmagaihna chu he Hmangaihtu thinlung hi i hlan ve dawn nia aw 'Hmangaihna chuan hmangaihnaah vek lo cuan lungawina a hmu silova' ...

I tan chauh........

J