A CHHUNG LAM AṬANGIN

Kan kal theih hma in kan bawkvak a,
Chhiarkawp pun tir kan zir hma in pakhat hmun kan zir a.
Mi siamṭhat kan tum hma in mahni kan insiamṭhat a ṭul a.
I nun thlak i tum chuan, nangmahah bul ṭan hmasak ber a ngai a,
I nu leh pa, i ngaihzawng emaw i zirtirtu-ah ni lovin.
Tih danglamna chu nangmahah bul a in ṭan tur a ni a,
I chhung lam aṭangin a ni, pawn lam aṭanga chhung lamah ni lovin.

Ka la naupan viau lai leh nun zalen tak a ka awm lai chuan,
Thil ka ngaihtuah vak vak ṭhin a,
He khawvel thlak danglamtu nih te hi ka tum ṭhin.

Ka lo ṭhang lian deuh a,
He khawvel hi ka thlak rual a ni lo tih ka lo hre chho a.

Ka thiltum chu ka han sawr zim leh deuh a,
Engtin maw tak in kan ram tal hi thlak danglam kan tum leh a,
Mahse chu pawh chu keia tih chet zawh rual a nih hmel si loh.

Ṭhalai nun kan kai chho a,
Thil eng maw tak thlaktu nih chu ka la tum fan a,
Tunah chuan thil hautak tak ni tawh lovin 'Kan chhungkua' ngei chu ka vei ta a,
Mahse a tawpah chuan a tu a mah ka thlak thei der lo tih chu ka pawm alo ngai leh a.

Tunah, natna khuma mu a, ka hnuk chat mai tur min thlir ṭhap lai chuan,
A vawikhatna atan ka harh chhuak ta.
Mi ni lovin, keimah ngei hi lo in thlak danglam ta ila.
Keimaha danglamna khan ka chhung te alo ti phur anga,
An mi puih na nen kan ram pawh ka lo thlak thei zawk mial mai thei a,
Tunge khawvel pawh ka thlak danglam thei lovang tih sawi thei awm!!!

Awle, vawilehkhatah in thlak danglam thut tur leh,
Vawi leh khat a thil engkim danglam nghal thut turin,
Tuman an beisei lo che.
Mahse i chhung lam, aw nangma chhunglam aṭang ngei khan han ṭan teh.
Thil eng emaw tak chu a danglam ngei ang tih ka tiam a che.