KRISMAS HI...

Engmah thawk thei lova khum bet a ka mut na pawh thla ruk lai a lo ni ve ta reng mai! Krismas pawh kan hma lawkah alo thleng ve leh dawn ta bawk e. Mahse keizawng min nghahhlelh tir miah lo mai. Ro sum in miin Nausen chibai an buk leh ang a, thil thar chi hrang hrang man to tak tak nalh tak tak te nen...mahse kei chu engmah ka nei lo.

Nia,,kan chhungkaw khawsak hi a harsa tih ka hria a, thil thar neih pawh ka in  beisei chuang lo. Mahse ṭhian ten an han nei leh sup sup ang a, an neih nalh tak tak te in bel in laitual an han leng leh ang a, kei zawng an thil neih awt reng reng leh zak a kimki chawih chawih in hun ka hmang leh dawn si a.

Nausen chibai buk nan rosum a ngai lo, thinlung lam a ni pawimawh zawk an ti fo, mithiam leh ṭawngkam thiam deuh deuh te pawn mahse a tak ngei a an tawn loh vangah ka ngai tlat. A tak tak ngei a han tawh a, kan ko a tla a nih chiah hian a hrehawm dan chu dang tak a ni.. Engmah nei lo bik kan nih na hi hriat reng a lo awl khawp mai. Nu leh pa ten min han hnem ve bawk mahse eng teh ual a ni har khawp mai. Thil hi chu mahni chunga alo tlak chiah hian tuar alo har a ni tih hi ka pawm zawng tak a ni.

Engpawh nise, pang a dam phawt hi chuan engtin tin maw kan hmang liam ve leh mai alo niang chu!!! Ala hma deuh na a, Krismas Chibai kan bûk nghal mai ang che u!!